2009-04-18

تنبيه لعملاء بنك برقان

ما أبي أطول عليكم ولا أبي أسرد لكم القصه اللي بقوله ان اي شخص من عملاء بنك برقان تضيع بطاقته ولا تنباق سهل على الحرامي يعرف الرقم السري !!! شلون ؟؟؟

-

يكون الرقم السري موجود بالاربع ارقام الاولى على بطاقة السحب الآلي مثلا اول 4 ارقام 1234 يكون الرقم السري 2413 أو 3142 ... هذا على سبيل المثال طبعا .


فيجب تغيير الرقم السري ولا بتروح عليكم فلوسكم ، وانا على علم تام بأن اول 4 ارقام من بطاقات البنك الوطني 4644 بس ليش برقان ارقام مختلفه مو موحده الارقام الاولى ؟!.

هناك 14 تعليقًا:

  1. بنكي . . . وطني

    ردحذف
  2. صج؟؟
    @@
    اشوه قتلي خل اقول حق ابوي

    ردحذف
  3. مصقوق :

    حتى انا بنكي الوطني بس التحذير لعملاء برقان بانك طال عمرك

    ردحذف
  4. كويتية حساوية :

    لحقي على الوالد خل يغير الرقم السري تحسبا لأي طارئ لا سمح الله

    ردحذف
  5. مو صحيح ...رقمي السرّي ماله شغل برقم البطاقه

    ردحذف
  6. شكرا على المعلومه
    بس بنكى الخليج

    ردحذف
  7. nanonano :

    يمكن مبدل الرقم السري والا على بطاقات حسابات التوفير مو الحسابات الجارية

    ردحذف
  8. بنت الشاميه :

    حتى بنك الخليج حراميه وباقوا فلوس العالم بالفتره اللي طافت وضاربوا فيهم بالمشتقات النفطيه بس الله رحمكم الحكومه ضمنت فلوس العالم

    ردحذف
  9. انت فضحتهم الحين الله يهداك :)

    ردحذف
  10. ديرة بطيخ :

    والله ما فضحتهم اهم فاضحين روحهم وبيني وبينك خلت العالم تاخذ الحيطه والحذر لا تروح فلوسهم .

    ردحذف
  11. الحارث بن همام :

    اي والله بهالبساطه ... بس محد يهتم ولا يدير بال على رقم البطاقه والعلاقه بالرقم السري

    ردحذف
  12. والله يخوي لو يصير نعيش بدون هالبنوك أحسن .. كلهم أردى من بعض :)

    تحياتي ..

    ردحذف
  13. احمدالحيدر :

    اي والله صاج كلهم اردى من البعض بس الحاجه وما تسوي

    ردحذف