2009-09-10

ريحنا واستريح يا طويل العمر

يا طويل العمر من استلمت والديره حالها من سيء إلى أسوء ومن ردي إلى أردى ... لا من صحه لا من تعليم لا من خدمات لا من كهربا لا من ماي لا من بيئة لا من رياضه لا من اسكان لا من توظيف لا من خطة لا من رؤية لا من استراتيجية ... همك الوحيد طويل العمر تبقى بمنصبك اطول مده ممكنه ... همك الوحيد محد يستجوبك ... همك الوحيد تسافر ومحد يقولك وين رايح ومن وين راد ... حكمتك بالحياة طويل العمر أنا ومن بعدي الطوفان .
-
-
اليوم عندنا بلاوي كثيرة ومشاكل اكثر من انفلونزا خنازير لي مشكلة محطة مشرف لي تأجيل دوام طلبة لي مسرحين لي معسرين لي تهديد النواب بالاستجوابات لي استدعاء ربعك للتحقيق بمحكمة الوزراء وآخرها تقليدك انت وربعك بسكوب بأسلوب رخيص وبأسفاف بدون لا تحرك ساكن وما جنه صاير شي .
-
-
انا ادري انه كل اللي طاف ما يهمك طويل العمر ويزعجك الحديث عن احوال البلاد والعباد الفقارة المساكين وانت ريال تحب الوناسه والسفر وتحب تطرب حالك وما في مانع من انك تستريح وتريح طويل العمر والقلب راح يدعيلك بالنجاح والتوفيق والراحة والهناء والصفاء والثراء ... إلخ .
-

هنيالك يا مستر لابورتا واذا خذيت بطولة هذا الموسم انا بدزلك طن من الكاكاو السوسري الفاخر حق المحترف اليديد

هناك 20 تعليقًا:

  1. لا حول ولا قوة الا بلله
    :(
    الله يصلح حالنا
    ديرتنا تحتاج دعاء صادق بهالشهر الفضيل لأن الحال وانا اخيتك فعلا مايسر

    ردحذف
  2. راحوا فيها برشلونه

    ردحذف
  3. هو اشتغل علشان يستريح؟

    حنا اللي نبي الراحة


    المدرب مسكين ما يدري والا كان ابتعد

    ردحذف
  4. esTeKaNa :

    صباح الخير ... والله كل يوم ندعيلها بالخير ونتحسب على اللي كان السبب ... وتأكدي لو ما دعوات اهل الكويت جان الديرة انتهت من زمان .

    ردحذف
  5. ma6goog :

    صباح الخير ... احسن عساهم بهالحاله واردى عشان يعرفون شلون يختارون محترفينهم .

    ردحذف
  6. كويــتي لايــعه كبــده :

    صباح الخير ... والله الكويت اللي تبي الراحه يالحبيب ... المدرب انفرض عليه ولا لو بيده جان اخذ الشمالي بداله وفكنا منه .

    ردحذف
  7. لا حول و لا قوة إلا بالله

    الله يستر من الياي

    ردحذف
  8. الـسـنـبـلـة :

    صباح الخير ... اي نعم الله يستر من الياي اللي ما ندري شنو خاشلنه .

    ردحذف
  9. أبو الدســتور :

    صباح الخير ... لا عزاء للبرشة وانت الصاج

    ردحذف
  10. ههههههه
    معمعه تدري ليش قاعد اضحك
    تتذكر لما راح بورصة نيويورك شنو صار وراها
    و اللحين الدور شكله ياي على برشلونه
    بس السالفه مو جذي السالفة
    ما استغرب سموه ان شباب كويتي اقدروا يجيبون رئيس نادي عالمي يضاهي اشهر رؤساء الدول بالشهره
    و اهم شباب لا جهة لا وزارة لا هيئة تدعمهم

    ردحذف
  11. Enter-Q8 :

    مساء الخير ... طويل العمر مشكلته انه مو محظوظ وقب.... وانا عند وعدي اذا فازوا برشلونه ببطولة لهم طن كاكاو سويسري .

    اما تقولي انه يستغرب لا ابدا ما يستغرب لانه يعرف امكانياته هذا شي ولا حياة لمن تنادي هذا الشي الثاني .

    ردحذف
  12. من زماااااااااااااااااااااااااااااان الحال مع الحبيب الله بالخير وقبله هم كان الله بالخير وقبله وقبله وقبله بس اهو طال عمره الله بالخير ويرد عليك الله بالنور بكل برود اعصاب من غير اي احساس بشعب يعاني

    ردحذف
  13. جبريت(عنيف سابقاً) :

    صباح الخير ... ان الله مع الصابرين .

    بننطر متى النهاية .

    ردحذف
  14. nice t-shirt

    وايد حلو
    مافيه منه لون ثاني؟ لول

    ردحذف
  15. Chaotic pOsha :

    مساء الخير ... والله في ألوان الثانية بس للاسف مقاسات كبيرة جدا فقط .

    ردحذف
  16. ترى جنه قياس التي شيرت يناسب سمو الشيخ ناصر

    الملعون لابورتا مفصه قبل لا ايي

    ردحذف
  17. ترى عندك بيروقراطية بالتعليقات

    ردحذف
  18. فريج سعود :

    تدري بعد طويل العمر عنده لعب سكه مواعد فريق احمد السعدون وخبرك الكباريه ما يلعبون الا بتيشيرتات vvip

    ردحذف
  19. فريج سعود:

    اهو في كويتي مو بيروقراطي طال عمرك ... الحكومة من الروضه تعلمنا قواعد البيروقراطية .

    ردحذف