2010-07-01

الصرعاوي - بورمية - الغانم ..... الفضالة


الصرعاوي : اود ان انوه على ان هناك اشخاص اعطتهم الدولة اراضي لبناء صالات افراح وكما هو معتاد هذه الصالات خيرية ويكون ريعها للبلد وليس للاشخاص ، ولكن اليوم اختلف الوضع واصبح اصحاب الصالات يستفيدون منها من خلال أخذ ريع تأجيرها للمواطنين ، واليوم لدينا وزير بالحكومة ونائبين لديهم صالات افراح بأسماءهم ... الوزير هو الاخ احمد الفهد ولديهم صالتين افراح بأسم الشهيد فهد الاحمد ، والنائبين الاخ مبارك الخرينج والاخ ضيف الله بورمية .
بورمية : انا اخذت صالة الافراح قبل لا اصير عضو بمجلس الأمة وتقدمت انا ومجموعه من اصحاب الصالات بكتاب رسمي لصاحب السمو الامير رئيس مجلس الوزراء آنذاك بحيث نستفيد من ريع هذه الصالات ووافق لنا سموه ... بس انا ما هدمت مكتبه عامه بالخالدية وطالبت الدولة ان تبني مكتبه عامه واحطها بأسم أبوي ، ولا وقفت مع نورية الصبيح باستجوابها عشان تسمي مدرسة بأسم عمتي فاطمه الصرعاوي .
الصرعاوي : بالنسبة حق والدي رحمة الله عليه أنا ما راح أرد عليك وأهل الكويت أهم اللي راح يردون عليك ولكن سمو الامير هو من أمر بتسمية المكتبه بأسم والدي ، وبالنسبة حق عمتي فاطمه عبدالرحمن الصرعاوي هناك قرار بتسمية المدارس بأسم المطوعات ... والمطوعات اهم اللي كانوا يدرسون البنات بالسابق قبل وجود المدارس ما ادري انتوا كنتوا بالكويت بهالوقت ولا لي ألحين ما ييتوا .
الغانم : لو سمحتوا ما نبي نذكر أسماء أشخاص متوفين وندخلهم بصراعاتنا والاخ عادل يتكلم عن مبدأ الموضوع وما يقصد أحد معين ، ومثل ما نحترم العم عبدالعزيز الصرعاوي نحترمك انت يا أخ بوخالد ( بورمية ) وما نسمح احد يمسكم وهؤلاء رجالات الكويت ورموزها ( قاطعه بورمية بشده ما ادري شنو قاله بالضبط ) بعدها انهار مرزوق الغانم وقام يصارخ لين راح صوته ويقول حق بورمية منو انت تتكلم عن العم عبدالعزيز الصرعاوي انت شنو قدمت حق الكويت عشان تييب طاريه انت ما تسوى ظفر عبدالعزيز الصرعاوي .... ومع مسلسل الصراخ وانهيار مرزوق وخوف الرئيس على ولد اخته رفع الجلسة .
مسلم البراك : انت تصارخ على بورمية 5 دقايق راح صوتك شلون بتستجوب رئيس الوزرا ... مرة ثانية اذا بغيت تصارخ قولي اسلفك وتر من اوتاري عشان ما توقف .


كلنا خالد سند الفضالة
ونعم نستحق الافضل
واذا الشعب يوما اراد الحياة فلا بد للقدر أن يستجيب

هناك 14 تعليقًا:

  1. لا لا صح البراك قايل له جذي ؟؟

    :))))

    ردحذف
  2. المستغرب منه ان الصرعاوي مو محتاج احد يرد عنه
    اشفيه بو رزيقه
    اما خالد الفضالة و الجاسم انا بالنسبة لي ان الموضوع موضوع حريات و تحليله الذي قاله في تجمع ارحل كان استفسار فالحقائق مغيبة تماما مما يجعل اي تساؤل او استفسار لأي مواطن بسيط يفكر فيه و لكنه فكر بصوت عالي

    ردحذف
  3. هذوله أعضاء مجلس الأمه

    المجلس متروس فزعات ونشبه

    ردحذف
  4. لا حول ولا قوة الا بلله
    هذا حوار؟
    ردود بو رميه استفزازية،صاحب الحق يجاوب بقدر ما عنده من حق دون تجريح بالناس وبمكانتهم
    !!
    شي يضيق الخلق للاسف
    الله يصلح الحال
    وصبحك الله بالخير..
    :)

    ردحذف
  5. الحين بو رمية متبرع ولا مستثمر

    ;Pp

    ردحذف
  6. غير معرف1/7/10 7:17 م

    وتـــستمر هــوشـــات الــصرعاوي ،، الـصرعاوي يـنبش ويحفر لـ زملائه الاعضاء ويقعد باسلوبه يضرب فيهم ويستفزهم ،،، شــافاه الله من الــعقد اللي يعــاني منها ،،، الريــال مسكين عنده عقد مع الاصـل و هالسوالف وكل يلف ويدور عليها ،،،،، طــبعا اللي ينـخش ورى امه مـادري ليش داش عـرض بالسـالفه ولا فـزعه للصرعاوي علبونه تـضبطه يوقف وياك باللاستجوابات الـقادمه !!

    ابتلشنا بدلوعة امه بالمجلس

    ردحذف
  7. خوش مجلس عندا ماشالله .. الله لا يغير لينا !!

    ردحذف
  8. فريج سعود :

    اي والله قاله بس من باب تلطيف الاجواء طبعا وكسر حده المشاده اللي حصلت .

    ردحذف
  9. Enter-Q8 :

    مرزوق كان يتكلم عن احترام الشخصيات بشكل عام بس ما ادري شاللي قاله بورميه واستفزه بهالشكل ... وموضوع الجاسم والفضاله هذي البداية والله يعيننا على الايام اليايه ولا شك اهي اكثر صعوبه .

    ردحذف
  10. panadool :

    صدقت والله متروس فزعات حضر وبدو سنه وشيعه ما ادري متى بنخلص وبنرتقي على هذي الامور اللي ما تبني ولا تنتشل بلد الله يستر عليه .

    ردحذف
  11. estekana :

    بالتأكيد يضيق الخلق ولكن هذا حوار ومستوى اعضاء البرلمان للاسف .. يا صباح ومسا الخيرات .

    ردحذف
  12. المقوع الشرقي :

    سؤال منطقي والاجابة امتنع عنها :)

    ردحذف
  13. غير معرف :

    والله الكل عنده عقده باستثناء القله القليله والصرعاوي صحيح والله بمناسبة وبدون مناسبة يتطرق لموضوع البدو والفصل والاصل ونتمنى ان يبتعد عن هالامور .

    ردحذف
  14. احمد الحيدر :

    نعم خوش مجلس بس المشكله بالحكومة بكل تأكيد .

    ردحذف