معالي الشيخ / أحمد فهد الأحمد الصباح
( وزير ...... القادم ) شنو تتوقعون ؟
بو فهد الله يطول بعمره قام بزيارة تاريخية الى القدس وذلك اولا لإعلان القدس عاصمة للثقافة العربية وثانيا لحل المشكلة الفلسطينية الاسرائيلية بكل ما اوتي من قوه حيث انه في السابق كان سبب المشاكل لكن الآن وسبحان مغير الأحوال أصبح حلال المشاكل فالله يعينك ويقدرك ويوفقك لما فيه خير البلاد والعباد .
-
بو فهد كان وده يصلي بالقدس ولكن جنود الاحتلال امنعوه وللاسف بس ما عليه انما الأعمال بالنيات والدعوه بالعوده للوزارة ان شاء الله ... تتحقق ، ولكن الأدهى والأمر والمضحك المبكي أن النائب السابق د . فيصل المسلم موجه سؤال أو مناشده ما دري شنو بالضبط ولا أدري حق منو يطالب بتحويل بو فهد للنيابة العامة لان راح القدس المحتلة ونوى يصلي فيها نسى د. فيصل ان هذي الزيارة دعاية وزارية ولا اهو وين والقدس وين .
*******
مركز سلطان لبنان بشيل الخمر من افرعه بعد شهر يعني ما خفتوا من الله كل هالسنين خفتوا من الانتخابات ألحين وليش بعد شهر ليش مو بنفس الوقت . تقدرون تكسرونهم تحذفونهم تردونهم ايا كان بس بعد شهر شنو الحكمة إلا اذا بتسوون عليهم تنزيلات عشان تصرفونهم وتطلعون بأقل الخساير فهذا شي ثاني . " ومنا إلى أهالي الدائرة الثانية الأعزاء "
وزير السلام
ردحذفمطقوق :
ردحذفوزير الأوقاف والشئون الاسلامية وانت الصاج وهم وزير السلام ما يمنع لان معروف عن معاليه حبه للسلام وحب الخشوم .
ليش ما خلوه يصلي
ردحذفكلها ركعتين قصر اشدعوة عليهم
فريج سعود :
ردحذفاهم بغوا يدخلونه يصلي بس قالوله ما تدخل معاك احد الله يهديه ماوافق قال ما اصلي الا سعود بو حمد معاي فهذا اللي منعه من الدخول والا كانوا بدخلونه بروحه
العزيز معمعه ..
ردحذفصراحة انا عندما قرأت الخبر استغربت , اظن ان هذه الخطوة بداية لحقبة جديدة في الدبلوماسية الكويتية في التعامل مع القضية الفلسطينية ..!
..
اما بخصوص السلطان , فما ادري شلون الناس مقتنعه انه دين , مع ان شركاتهم كلها عقود مع الجيش الأمريكي الي يحارب ربع السلطان – او لنقل المتفقين مع خط السلطان – فكريا ..!! اكثر من جذي تناقض ما شفت ..!
وزير تملطش النواب ..
ردحذفومركز سلطان يبي يتوب بس يخاف من الخسارة ;P
ممممممم الوزير براسه شي كبير
ردحذفتهقا تاب؟؟
مركز سلطان حسب معلوماتي انه لجميل السلطان .. مادري اذا خالد السلطان له يد التصرف فيه .. او انه فقط مساهم
مطعم باكه :
ردحذفبالفعل هذي الخطوه هي بداية التسويق والترويج حق بو فهد وليس لاي حقبه تاريخية أو غيره من الامور الانسانية .
أحمد الحيدر :
ردحذفوالله صعبة عليه يملطش النواب في الوقت الحالي لكنه اكيد يقدر راح يقدر على جم واحد من المترديه والنطيحه اللي الكل عارفهم .
الحارث بن همام :
ردحذفوالله اكيد وواضح ان براسه شي والذيب ما يهرول عبث ، وبخصوص مركز سلطان بالفعل اهو حق جميل السلطان لكن نسبة ملكية الشيخ خالد 10% تقريبا .
خالد السلطان نسبته معروفة و مجموع نسب المساهمين اكبر من نسبته و فيه مساهمين بالشركة ما افصحو عن نسبهم و اهي تتجاوز نسبته و اعتقد الازالة كانت ستكون فورية لو كانت نسبته الاكبر .. و كلنا يعرف ان مركز السلطان ما يتوانا عن هالامور و كاهي افرع سيفوي بالاردن شاهدة ان اول ما اشتروها شالوا كل المنكرات الي فيها و ما توانو دقيقة و احنا نحمل لهم العذر قبل لا نطلق الاتهام و هذي البضايع الشركة المالكة السابقة اجرت لهم الرفوف و قد يكون بالعقود شرط جزائي على المالك ان اهو الغى العقد او ان القانون ما يسمح في لبنان او ان ارباح هذي البضايع على الرغم من صعوبة فرزها لكنها ممكنة ما تدش بارباح المساهم الي ما يبيها و الواحد يحمل الامور من اخيه المسلم على اكثر من محمل
ردحذفو خلك من حرامي الحراي و سوالفه الي حتى حريم الكويت ما سلمو منه
ابن زيدون :
ردحذفيا عزيزي الحلال بين والحرام بين هذا اولا . ثانيا تقولي لو نسبته كانت الاكبر لكانت الازالة فورية وهذا مو عذر ويقدر يبيع اسهمه ويوخر عن نفسه الشبهات والقيل والقال .
بالنسبة حق حرامي الحراي فأرجوا التوضيح .