2010-12-01

الحكومة مالها صاحب يا نواب الغفلة

رولا دشتي - سلوى الجسار -معصومه المبارك - القلاف - الراشد - المطوع - الحريتي - دميثير - الخنفور - زنيفر - غانم الميع - مخلد - عاشور - الزلزلة - دليهي - عسكر - العدوة - الخرافي - الخرينج - مزيد - العمير - الحويلة - الدويسان .
-
معصومه ورولا ما ادري شلون نسيتوا كسرت الحكومة فيكم بقانون الحقوق المدنية والاجتماعية للمرأة .
-
سلوى الجسار الحكومة ما قصرت فيج بانتخابات اللجان ليش ما انتفضتي ليش ما رديتي اعتبارج ولا الامور عندج متساويه وما تحسين .
-
القلاف ما عليك الشرهه ومرفوع عنك القلم من زمان " وحكومة تخلي الحجاج بمطار جده وتردك من مكة بطيارة خاصة شلون ما تمشي وراها مغمض " هذي آخر سالفه طبعا قبلها وايد سوالف .
-
الراشد للأسف منت علي الراشد الأولي ما قمنا نفرق بينك وبين دميثير " لا تعجب لمن هلك كيف هلك ولكن اعجب لمن ثبت كيف ثبت " خصوصا في عهد الشيخ ناصر وعهد خطة التنمية وعهد المناصب والمليارات .
-
الحريتي المفترض انت مستشار والقانون انت استاذ فيه وانت بعد عضو باللجنة التشريعية بس ما ندري ليش اختفيت يمكن الموضوع له علاقه بردتك للوزارة .
-
دميثير معذور بدون الحكومة ما تقدر تعيش واهي رازتك من راسك لي ساسك .
-
العمير النشوة والفرحة بمنصب المراقب والجلوس على كرسي الرئاسة بين مفعوله مع ان المفروض تكون من اقرب الاعضاء حق د. فيصل المسلم .
-
العدوه كل ما اشوفك بتلفزيون الوطن وانت تقول اطرح الثقة فيه يا عمي احتقرك و ...
-
الخرافي وين الحيادية ؟؟ ولا المصالح طغت وكيكة التنمية توه بادي الاكل منها وودك تاكل منها وايد .
-
المطوع نائب التوهان
-
عاشور والزلزلة والدويسان موقفكم من شخص د. فيصل واضح .
-
الخنفور وزنيفر والميع ومخلد وزنيفر وعسكر والخرينج ومزيد والحويله ما عليكم شرهه طول ما معزبكم بو فهد موجود ورئيس الوزرا مو مقصر مالكم كلمة وانتوا مو فارقه معاكم لانكم ما تعرفون شنو يعني دستور أو لائحة أو قانون وهذي الكلمات مو موجوده بقاموسكم هذا اذا عندكم قاموس .
-
يا سمو الرئيس نتمنى مره وحده تطلع الدستور من جيبك مره وحده لو سمحت ونبيك الله لا يهينك تقرأ المادة 108 -110 من الدستور والمادة 19 من اللائحة الداخلية .
-
(( إن غدا لناظره قريب ))

هناك 10 تعليقات:

  1. الدستور مكبوت داخل جيب سموه
    لم ولا ولن يطلعه

    ردحذف
  2. عليه العوض ومنه العوض
    اعضاء مجلس وطني

    :((

    ردحذف
  3. منور البلوغ يالغالي

    ردحذف
  4. le koweit :

    الله يعين الدستور .. نتمنى يطلعه يتصفحه بس عشان تتهوى الاوراق وما في مانع يقرا مادتين الحصانه مثل ما قرا مادة حق التقاضي .

    ردحذف
  5. المقوع الشرقي :

    وانت الصاج مجلس اولياء امور طيح الله حظهم .

    ردحذف
  6. panadool :

    النور نورك والقوس قوسك والسهام سهامك طال عمرك

    ردحذف
  7. غير معرف2/12/10 9:11 م

    الحكومه معطيا وزير التنميه 38 مليار دينار وقالتله اشتر المجلس والكتل باي ثمن ولمدة 25 سنه

    في نائب سابق معارض اخذ عقد ب 300 مليون وباع ربعه

    وفي نائب حالي معارض باع رفيق الدرب والتحالف بعقد 2500 سيارة من وكالته
    حق نفط الكويت

    بس الي ذابحني رئيس المجلس اسمه ديما مع المجموعه البصامه
    صدق المثل تموت الديايه وعينها في السبوس

    ردحذف
  8. غير معرف3/12/10 1:59 م

    لا تعليق تعبتونا

    ردحذف
  9. غير معرف :

    وزير التنمية ما قصر شراهم وخلص وخذا بعضهم معاه اليمن ... الفلوس تعمي النفوس

    ردحذف
  10. somebody :

    الحكومه تبينا نكفر بالديمقراطيه تبي توصلنا مرحلة اليأس .

    ردحذف