افتتحت بالمملكة العربية السعودية مؤخرا جامعة الملك عبدالله للعلوم والتقنية وما أبي أتكلم عن تفاصيل الجامعة لكن اللي يهمني واللي يضايقني ان توقيع عقد إنشاء مستشفى جابر كان بنفس الفترة اللي وقعوا فيها الاخوان بالسعودية عقد إنشاء الجامعة ... الناس داومت بالجامعة واحنا لي ألحين براحة محاوطة " بجينكو " .
-
الجماعة في دبي افتتحوا مترو واحنا وزارة الداخلية الحبيبة في كل مناسبة تقول عملنا خطة مرورية محكمة وراح نقضي على الزحمة وللأسف للأسف للأسف ثلاثا ... تزيد الزحمة ومشوارك اللي كنت توصله بربع ساعة مع الخطة المرورية المحكمة يصير ساعة وربع يا لطيف يار رب .
-
كل ما سبق بعض من القهر ونوع من التنفيس والحسرة على حال هذا البلد العزييييييز
-
اما صلب الموضوع فهو نزاهة القضاء وضرورة المحافظة على استقلالية هذا الجهاز وهذه السلطة ... يقال والعهدة على ذمة الراوي " وللعلم الراوي عروقة بالماي " أن بيوم جلسة المحكمة للفصل في الطعون الانتخابية كان الحكم صادر ومنتهي وسعادة رئيس المجلس الأعلى للقضاء ورئيس المحكمة الدستورية ورئيس محكمة التمييز بطريقة للحكم بأحقية د. حمد المطر وخالد العدوة بعضوية مجلس الأمة مع بطلان عضوية د. سلوى الجسار ود.بادي الدوسري ... إلا ان المعني اتصل على سعادة المستشار وطلب منه على الأقل تأخير الموضوع وعدم البت فيه ... وذكر الراوي أن سعادة المستشار قال التأخير مقبول لكن تغيير الحكم مرفوض بتاتا ... وإلى تاريخ الفصل بالطعون تتضح الرؤيا ويعرف الجميع هل إلى الآن الجهاز القضائي مستقل ونزيه وهذا ما نعتقده ونتمناه أم أنه فقد استقلاليته واصبح جهاز تابع وليس مستقل .
-
نصيحه لوجه الله ... يا سمو الرئيس احتواء التيارات والأشخاص اللي يخالفونك الراي واللي يعارضونك احسن لسموك مليون مرة من محاربتهم والصدام معهم بواسطة بعض الجهال والسفهاء ... ويا سمو الرئيس عدو عاقل خير من صديق جاهل .
ما ادري منو الشخصية اللي كلموها عن فساد البلد و الفساد المستشري فيها و عندما سالهم قال لهم و هل وصل الى القضاء اجابوه بالنفي
ردحذففقال مازلنا بخير
الرؤية معدومة تقدر تقول
غبار سياسي
رطوبة قوى فساد
ضباب بالتنمية
كل شي يجعل العين ما تشوف
لا افا عليك
ردحذفمد أجل الحكم شي طبيعي لاتمام المداولة قانونا
ثقتنا بالقضاء كبيرة
ردحذفوادعو الرحمن ان لا تخيب ظنونا
وعسى ربي يصلح حالنا يارب
Enter-Q8 :
ردحذفاي والله الرؤيا معدومه واللي قاعد يصير بالبلد ما يسر وبالنسبة للتنمية فهي عمى وانت الصاج مو ضباب .
أبو الدســتور :
ردحذفكلامك صحيح بس الخوف من الامور اللي تحصل بالخفا في فترة التأجيل ... والله يستر على القضاء .
estekana :
ردحذفالثقة موجودة بس الوقت يخوف ... وعسى الله يحفظ هالديرة واهلها من ....
ودي وماودي وودي وما ودي
ردحذفلكن انا ما اعتقد بنزاهة القضاء عندنا على الاقل متضرر من القضاء الكويتي 30 % من القضاة حكمهم الله بالخير بين مرتشي وبين مايدري وين الله قاطه وبين المحسوبيات
يقولك يا معمعه
محشش يوعظ الناس يقول لعن الله شارب الخمر وبائعه وجليسه وجليسه وجليسه قالو الناس ليش لعنت جليسه 3 مرات مع انه ما يشرب؟؟قال لانه حيوان يخلص المزه على الفاضي
ننطر الحكم و نشوف
ردحذف:)
جبريت(عنيف سابقاً :
ردحذفصج ان احكامهم في الفترة الأخيرة " حفظ لعدم كفاية الادله " بس لي ألحين وضع القضاء جيد ومطمئن .
ولعن الله الذي يريد بالكويت واهلها شر ...
ٍٍٍSHOOSH :
ردحذفمالنا الا النطره وان غدا لناظره قريب .
خبر مزعج للغاية!
ردحذفولا أستبعده فالقضاء ليس بالنزاهة التي يتخيله البعض الا انه أفضل من حال بقية السلطات بكثير
كويــتي لايــعه كبده :
ردحذفطبعا القضاة مو ملائكة ويتأثرون بأمور كثيرة ويتأثرون بالوضع العام بالبلد ولكن نفس ما قلت حالهم افضل من حال باجي السلطات وسمعتهم لحد الآن طيبة .