اول شي وقبل كل شي الحمدلله رب العالمين على الفوز بكاس الخليج للمره العاشره والحمدلله على كاس هداف البطوله وافضل لاعب وافضل حارس مرمى والحمدلله على هذا الاكتساح والحمدلله على هالمجموعه الطبية من اللاعبين والحمدلله على الفرحه والوناسه وان شاء الله يبيضونها الرياييل ويكملونها بكاس آسيا ونتمنى المحافظه على هذا الفريق بالكامل من جهاز فني وعلى راسهم الكابتن غوران وجهاز اداري وعلى راسهم الكابتن النجم اسامه حسين والشباب اللاعبين ونتمنى دعمهم ومساندتهم وتسخير كافه الجهود لهم ... والكاس ما يحلى الا بالفوز على العراق والسعودية .
**********
بالبدايه نشجب ضرب الجويهل أو اي كان ومحنا بغابه احنا بدوله مؤسسات وحق التقاضي مكفول ... الجويهل قال السعدون دعاني للندوه وانا اقول منو انت عشان يدعوك للندوه واليوم نفى احمد السعدون دعوتك ... وهم قلت انا ما تفلت على مسلم يوم طلع بالندوه وان هالتصرف مو من اخلاقي انا يوم قلت ان التصرف مو من اخلاقك عرفت انك جذاب لان الجميع يعرف اخلاقك ... يا الجويهل اللي قالك روح خرب اهو اللي بقى يذبحك مو اللي طقوك والله عرفناه بالعقل ما شفناه ناس كل يوم تسبهم وتتطنز عليهم وتتهد بتفضحهم وتروح لهم بريولك هذا جنون وانتحار ... بالنهايه الله يشافيك ويعافيك عشان اهلك وعيالك ويهديك غصب عليك .
**********
يوم الخميس القادم يمر شهر على طلب رفع الحصانه عن د. فيصل المسلم ودايركت راح ترفع الحصانه عنه وبمثل امام النيابه متى ما طلبته وبكل تأكيد الحكومه راح تتدخل وتستخدم نفوذها والقضاء طبعا نزيه والحكومه اللي استخدمت كل ما تملك من تكتيك وقوه ونفوذ لافشال الجلسات الثلاث السابقه اكيد راسمه على شي اقشر ... د. فيصل الله يعينك والحكم الابتدائي دايما صعب خصوصا بالوقت الأخير ورئيس الوزرا اللي سجن الجاسم والفضاله ان شاء الله ما يسجنك ويدعو لانتخابات مبكره وهالمره راح يطلع الدستور من مخباته ويقولك اقرا الماده 84 .
ليست هناك تعليقات:
إرسال تعليق